Kastkeppni á skemmtileikum

Keppni í fluguköstum verður á skemmtileikum bak við Skautahöllina í Laugardal í fyrramálið. Nóg að koma með góða skapið.

Í tilkynningu um skemmtileikana frá Hilmari Jónssyni flugukastkennara segir að keppt verði í lengdarköstum, hittni í mark og í að kasta í gegn um húllahringi.

"Markmiðið er að allir þeir sem vilji komi saman og eigi skemmtilega stund þar sem fluguköst verða í forgrunni. Búnaður er á staðnum svo eina sem þarf er góða skapið og regnstakkur ef það ákveður að rigna á okkur," segir í tilkynningu Hilmars þar sem flottum vinningum fyrir fyrstu sætin og síðasta sætið líka.

"Þátttaka er opin öllum þeim sem geta kastað með flugustöng, ungir, gamlir, konur, karlar! Ekkert þátttökugjald! Hlökkum til að sjá sem flesta," segir Hilmar.

Skemmtileikarnir hefjast klukkan ellefu.