Líf að færast í vötnin

Fyrir utan gærdaginn hefur verið frekar kalt í veðri síðustu daga og því lítið um fréttir úr stóru vötnunum. Á vef Veiðikortsins er stiklað á stóru í fréttum af vötnunum og virðist sem þau séu að taka við sér.

Með hækkandi hitastigi hefur færst líf í veiðina í Vífilsstaðavatni. Urriðinn er kominn á kreik í Þingvallavatni og veiddist meðal annars einn 12 punda fiskur þar og annar sem var 85 sentimetrar og 40 sentimetrar í ummál, að því er segir á vef Veiðikortsins. Stærstu bleikjurnar koma í maí en þá virðist vera meira að sílableikju við landið og getur hún orðið mjög stór.

Urriðinn í Elliðavatn ku vera vel haldinn og í Meðalfellsvatni hafa sæmilegir fiskar fengist.

Nánari fréttir má finna á vef Veiðikortsins.