Veiðimenning við Þingvallavatn hefur stórbatnað

Á vef SVFR kemur fram að aukin umræða um veiðimenningu á Þingvöllum hafi greinilega haft áhrif, því samkvæmt upplýsingum frá forsvarsmanni Veiðikortsins er mikill munur á umgengni í Þjóðgarðinum nú en undanfarin ár. Þetta kom fram í máli Ingimundar Bergssona í viðtali á Rás 2 á miðvikudagsmorgun.

Aðspurður segir Ingimundur að svo virðist sem að veiðimönnum sé mjög umhugað að skilja aðeins eftir sig sporin sín, og heyrir til undantekninga að það þurfi að hirða upp drasl eða girnisflækjur, sem geta reynst fuglum hættulegt

Við vatnið eru nú starfandi ellefu veiðiverðir auk þjóðgarðsvarða, og virðist sem að veiðibrotum með ólöglegri beitu hafi verið að mestu útrýmt á bökkum Þingvallavatns. Veiðin í vatninu hefur verið góð í vor, og mikil aukning í fjölda veiðimanna.

svavar@frettabladid.is