SVFR: Vefsalan hafin

Stangaveiðifélag Reykjavíkur opnaði í dag fyrir vefsöluna á heimasíðu sinni svfr.is. Eins og mörgum er kunnugt var 19 prósenta samdráttur í umsóknum félagsmanna um veiðileyfi milli ára. Þetta þýðir að töluvert vænir bitar eru í vefsölunni að þessu sinni.

„Til að byrja með koma ekki öll svæðin inn - en sem dæmi um vatnasvæði sem nú detta inn eru urriðasvæðin norðan heiða og lausir dagar í Elliðaám, Andakílsá og Fáskrúð svo fátt eitt sé nefnt," segir í tilkynningu frá Stangaveiðifélaginu.

Félagsmenn hafa fyrst um sinn forgang að vefsölunni en föstudaginn 22. febrúar opnar vefsalan fyrir almenning.

trausti@frettabladid.is