Sérðu þetta Bieber?

Selena Gomez byrjaði ferilinn sem Disney-stjarna en hefur mikið verið á milli tannanna á fólki síðan hún hætti með ungstirninu Justin Bieber.

Nú virðist sem Selena sé að tileinka sér fullorðinslegri ímynd ef marka má myndatöku sem hún fór í fyrir tímaritið Nylon.

Þessi tvítuga snót situr fyrir í ýmsum fatnaði og jaðra myndirnar við að vera kynþokkafullar. Spurning er hvort Justin sjái myndirnar og sjái eftir fyrrverandi kærustu sinni en þau hættu saman því hann hafði ekki tíma til að sinna ástinni sinni.