Veiði

Opinber dráttur um leyfi í Elliðaánum

Garðar Örn Úlfarsson skrifar
Eitt þúsund vilja veiða í Elliðaánum næsta sum,ar, langflestir í júlí.
Eitt þúsund vilja veiða í Elliðaánum næsta sum,ar, langflestir í júlí. Mynd / Garðar
Stangaveiðifélag Reykjavíkur hefur ákveðið að efna til opinbers dráttar milli þeirra sem sóttu um veiðileyfi í Elliðánum í júlí næsta sumar.

Fram kemur á Facebook-síðu Stangaveiðifélagsins í dag að lokið sé við að telja og flokka fjölda umsókna í Elliðaánum.

"Umsóknarþunginn til endanna sem og eftir hádegi er viðráðanlegur og verður þeim veiðileyfum úthlutað á hefðbundinn máta. Hins vegar er gríðalega vel sótt um tímabilið 1. – 31. júlí. Ákveðið hefur verið að draga opinberlega úr þeim umsóknum," segir á Facebook-síðunni.

"Þeir félagsmenn Stangaveiðifélagsins sem sóttu um tiltekinn júlímorgun fara í pott fyrir þann morgun. Ef félagsmenn hafa sótt um tímabil (til dæmis 1. – 20. júlí fyrir hádegi), þá er umsókn þeirra sett á tilviljunarkenndan máta í þann pott á einhvern morgun á því tímabili. Þannig er reynt að jafna umsóknarþungann eftir því sem unnt er og vilji umsækjenda stóð til," er staðan útskýrð.

Draga á um hvern morgun fyrir sig. Drátturinn fer fram í tölvu á morgun klukkan fjögur eftir hádegi í húsi SVFR í Elliðaárdal. "Er félagsmönnum sem sótt hafa um heimilt að vera viðstaddir dráttinn eftir því sem húsrúm leyfi," segir í tilkynningunni frá félaginu.

Nákvæmlega eitt þúsund umsóknir voru um veiðileyfi í Elliðaánum næsta sumar. Þar af vilja 758 veiða fyrir hádegi en 242 sóttu um eftir hádegi.

Stangveiði

Mest lesið




×

Mest lesið