Í stærri kjól fyrir jól? Tinna Rós Steinsdóttir skrifar 3. nóvember 2012 08:00 Nú nálgast jólin og fólk byrjað að huga að því að finna til uppáhaldssmákökuuppskriftirnar sínar, kafa eftir jólaskrautinu og velja jólagjafir handa nánustu vinum og aðstandendum. Einhverra hluta vegna hefur það blandast í jólaundirbúninginn hjá sumum að koma sér „í kjólinn fyrir jólin". Það hef ég aldrei skilið. Eru jólin ekki einmitt annáluð fitunarhátíð? Til hvers að hamast við að koma sér í kjólinn fyrir jólin til þess eins að passa ekki í hann eftir jólin? Er þá ekki bara betra að fara í megrun í janúar? Ef frá er talinn boðskapurinn um Jesú og gæðastundir með fjölskyldunni er maturinn uppáhaldsatriðið mitt við jólahátíðina. Ég bjó til að mynda í Austurríki ein jólin og fékk pylsusúpu í matinn á aðfangadagskvöld. Það þótti mér ekki skemmtilegt. Fyrir þá sem er mjög umhugað um línurnar er ég þó með nokkur góð ráð til að geta leyft sér hluti yfir hátíðarnar (og reyndar alltaf) án þess þó að missa allt niðrum sig. 1. Borðaðu standandi. Þannig sest fitan á ökklana en ekki rassinn og það er öllum sama þó þú sért með svera ökkla. 2. Borðaðu nóg af ís. Líkaminn eyðir svo mikilli orku í að hita sig upp á móti kuldanum að þú grennist. 3. Það tekur tólf mínútur fyrir líkamann að átta sig á því að hann sé saddur. Fáðu þér því bita á tólf mínútna fresti. 4. Allt sem er borðað í veislum er ekki fitandi svo nýttu þér þau tilfelli vel. (Það sama á reyndar við um það sem er borðað í útlöndum, svona upp á seinni tíma.) Fyrir þá sem hafa verið að huga að leiðum til að borða eins mikið og þeir geta yfir hátíðarnar er ég líka með nokkur gullin ráð. 1. Stattu upp þegar þú ert orðin of södd/saddur. Þá dettur maturinn niður og þú getur borðað meira. 2. Borðaðu ís þegar þú ert orðin of södd/saddur – já, aftur. Kuldinn í ísnum gerir það nefnilega líka að verkum að meltingin vinnur hraðar og þú getur þar af leiðandi borðað meira. 3. Borðaðu hratt og innbyrtu sem mest á fyrstu tólf mínútunum, áður en líkaminn áttar sig á að hann sé saddur. Það eru 11 aðrir mánuðir í árinu þar sem hægt er að hafa áhyggjur af línunum. Gefum okkur frí í einn mánuð á ári (eða tvo ef þið eruð byrjuð að baka smákökur eins og ég). Ég ætla í það minnsta að gera vel við mig í mat og drykk þessi jólin, eins og reyndar flest önnur. Ég kaupi mér þá bara stærri kjól! Viltu birta grein á Vísi? Sendu okkur póst. Senda grein Jólafréttir Tinna Rós Steinsdóttir Mest lesið Af hverju er verðbólga ennþá svona há? Ólafur Margeirsson Skoðun Rán um hábjartan dag Guðbergur Egill Eyjólfsson Skoðun Sósíalistaflokkurinn heimilislaus - hvað næst? Trausti Breiðfjörð Magnússon Skoðun Sól, sumar og símafriður: 10 ráð varðandi skjánotkun í sumarfríinu Anna Laufey Stefánsdóttir,Kristín Ólöf Grétarsdóttir,Skúli Bragi Geirdal Skoðun 80.000 manna klóakrennsli í Dýrafjörð í boði Arctic Fish Jón Kaldal Skoðun Hvað er þetta græna? Karlinn er að spræna Jóhanna Jakobsdóttir Skoðun Uppbygging hjúkrunarheimila Jónína Björk Óskarsdóttir Skoðun Arðgreiðslur í sjávarútvegi: Staðreyndir gegn fullyrðingum Elliði Vignisson Skoðun Jafnrétti grundvallarforsenda friðar og öryggis í heiminum Þorgerður Katrín Gunnarsdóttir Skoðun Verðugur bandamaður? Steinar Harðarson Skoðun
Nú nálgast jólin og fólk byrjað að huga að því að finna til uppáhaldssmákökuuppskriftirnar sínar, kafa eftir jólaskrautinu og velja jólagjafir handa nánustu vinum og aðstandendum. Einhverra hluta vegna hefur það blandast í jólaundirbúninginn hjá sumum að koma sér „í kjólinn fyrir jólin". Það hef ég aldrei skilið. Eru jólin ekki einmitt annáluð fitunarhátíð? Til hvers að hamast við að koma sér í kjólinn fyrir jólin til þess eins að passa ekki í hann eftir jólin? Er þá ekki bara betra að fara í megrun í janúar? Ef frá er talinn boðskapurinn um Jesú og gæðastundir með fjölskyldunni er maturinn uppáhaldsatriðið mitt við jólahátíðina. Ég bjó til að mynda í Austurríki ein jólin og fékk pylsusúpu í matinn á aðfangadagskvöld. Það þótti mér ekki skemmtilegt. Fyrir þá sem er mjög umhugað um línurnar er ég þó með nokkur góð ráð til að geta leyft sér hluti yfir hátíðarnar (og reyndar alltaf) án þess þó að missa allt niðrum sig. 1. Borðaðu standandi. Þannig sest fitan á ökklana en ekki rassinn og það er öllum sama þó þú sért með svera ökkla. 2. Borðaðu nóg af ís. Líkaminn eyðir svo mikilli orku í að hita sig upp á móti kuldanum að þú grennist. 3. Það tekur tólf mínútur fyrir líkamann að átta sig á því að hann sé saddur. Fáðu þér því bita á tólf mínútna fresti. 4. Allt sem er borðað í veislum er ekki fitandi svo nýttu þér þau tilfelli vel. (Það sama á reyndar við um það sem er borðað í útlöndum, svona upp á seinni tíma.) Fyrir þá sem hafa verið að huga að leiðum til að borða eins mikið og þeir geta yfir hátíðarnar er ég líka með nokkur gullin ráð. 1. Stattu upp þegar þú ert orðin of södd/saddur. Þá dettur maturinn niður og þú getur borðað meira. 2. Borðaðu ís þegar þú ert orðin of södd/saddur – já, aftur. Kuldinn í ísnum gerir það nefnilega líka að verkum að meltingin vinnur hraðar og þú getur þar af leiðandi borðað meira. 3. Borðaðu hratt og innbyrtu sem mest á fyrstu tólf mínútunum, áður en líkaminn áttar sig á að hann sé saddur. Það eru 11 aðrir mánuðir í árinu þar sem hægt er að hafa áhyggjur af línunum. Gefum okkur frí í einn mánuð á ári (eða tvo ef þið eruð byrjuð að baka smákökur eins og ég). Ég ætla í það minnsta að gera vel við mig í mat og drykk þessi jólin, eins og reyndar flest önnur. Ég kaupi mér þá bara stærri kjól!
Sól, sumar og símafriður: 10 ráð varðandi skjánotkun í sumarfríinu Anna Laufey Stefánsdóttir,Kristín Ólöf Grétarsdóttir,Skúli Bragi Geirdal Skoðun
Sól, sumar og símafriður: 10 ráð varðandi skjánotkun í sumarfríinu Anna Laufey Stefánsdóttir,Kristín Ólöf Grétarsdóttir,Skúli Bragi Geirdal Skoðun