Átakalínurnar skýrar sem aldrei fyrr 26. október 2012 07:00 Ráðherra Það var þungt yfir ráðherra á fundi LÍÚ en það sama má segja um þá sem hlýddu á eldmessu Steingríms. fréttablaðið/anton Eins og við var að búast voru áhrif veiðigjalda á íslensk sjávarútvegsfyrirtæki í forgrunni aðalfundar Landssambands íslenskra útvegsmanna í gær. Átakalínurnar voru skýrar í ræðum atvinnuvegaráðherra og formanns samtakanna. Eins kom fram á fundinum að blikur væru á lofti varðandi markaðsmál íslensks sjávarútvegs. Adolf Guðmundsson, formaður LÍÚ, reifaði í upphafsræðu fundarins þá sýn útgerðarinnar í landinu, sem hefur legið fyrir lengi, að breytingar á lögum um stjórn fiskveiða væri atlaga að greininni og þá ekki síst að hækkun veiðigjalda. Hann sagði að fjölmörg fyrirtæki myndu ekki rísa undir gjaldtökunni og þau sem hefðu hrygg til að standa undir henni stæðu löskuð eftir. „Fjárfestingar, þróunarstarf og nýsköpun dragast saman og fyrirtæki sem byggja afkomu og rekstur sinn á starfsemi sjávarútvegsfyrirtækja veikjast. Hér er um sannkallaðan landsbyggðarskatt að ræða þar sem meginstarfsemi sjávarútvegsins er utan höfuðborgarsvæðisins," sagði Adolf í ræðu sinni. Átök á vinnumarkaðiAdolf vék að sameiginlegum hagsmunum útgerðarinnar og sjómanna í landinu í ræðu sinni; að útgerðin og sjómenn deili kjörum í hlutaskiptakerfi. Það kerfi sagði Adolf að gæti ekki haldist óbreytt ef veiðigjöldin stæðu. Skattlagningin myndi fela í sér átök á vinnumarkaði með tilheyrandi tjóni. Adolf spurði: „Stjórnvöld halda því fram að skattlagningin muni ekki hafa áhrif á launakjör sjómanna. Hvernig má það vera, að ef ríkið tekur 10-20% af tekjunum sé útgerðum ætlað að greiða um 40% í laun og launatengd gjöld af þeim fjármunum sem fyrirtækin hafa ekki?" Undir lok ræðunnar sagði Adolf: „Ég skora á atvinnuvegaráðherra að hlusta á þau rök sem fram hafa verið færð af okkar hálfu og annarra og beita sér fyrir endurskoðun laganna um veiðigjöld til að forða því tjóni sem við blasir." Aðalfundur en ekki jarðarförSteingrímur J. Sigfússon atvinnuvegaráðherra steig næstur í pontu og tók það fram fyrst af öllu að hans sýn væri á allt öðrum nótum en komið hefði fram hjá formanni LÍÚ. Greinin stæði styrkum fótum og væri vel aflögufær. Hann sagðist því ætla að ávarpa fundarmenn á þeim nótum að hann væri staddur á aðalfundi LÍÚ en ekki jarðarför. Hann spurði, í samhengi við jákvæðar afkomutölur útgerðarinnar að undanförnu, hvernig hljóðið hefði verið á fundum LÍÚ fyrr á árum þegar útgerðin var sannarlega í erfiðleikum. Þetta féll í misjafnan jarðveg hjá fundarmönnum og heyrðist kallað úr sal að ráðherra ætti að skammast sín. Steingrímur gaf stöðu þjóðarbúsins frá hruni töluvert vægi í ræðu sinni. Hann sagði það nauðsynlegt því að þeir sem færu með stjórn landsins gætu ekki leyft sér þann munað að horfa eingöngu á þröng hagsmunamál einnar greinar. „Það þarf að reka fleira en sjávarútvegsfyrirtæki. Það þarf að reka Ísland," sagði Steingrímur og ljóst að hann vísaði til þess að allir þyrftu að leggja sitt til – ekki síst sjávarútvegurinn í landinu. Markaðsmál áhyggjuefniMarkaðir fyrir sjávarafurðir var sennilega eini snertipunkturinn í ræðum þeirra Adolfs og Steingríms þar sem þeir voru á sömu línu. Þeir deila þeirri skoðun að blikur séu á lofti á mörkuðum og að óvissan hafi aukist verulega að undanförnu. Erfiðir tímar blasa við, sagði Adolf. Steingrímur sagði að sterkir markaðir Íslendinga í Evrópu væru að gefa eftir. Á sama tíma lægi fyrir að framboð á þorski úr Barentshafi myndi aukast stórlega á næsta ári og makríldeilan gæti spilað inn í þessa mynd: „Til dæmis þannig að vinir okkar Norðmenn komi þeim skilaboðum á framfæri í Bretlandi að þeir þyrftu ekki að hafa áhyggjur af því að loka á íslenskan fisk þar sem þeir gætu séð um að fylla í skarðið með þorski úr Barentshafi," sagði ráðherra og hvatti menn til að sameinast því krappur dans gæti verið fram undan á komandi mánuðum. Fréttir Mest lesið Prestur sakar oddvita um ólýðræðislega hallarbyltingu í veiðifélagi Innlent Enn skjálftahrina við Trölladyngju Innlent Sólrún fundin á Spáni Innlent Það sem við vitum og vitum ekki um manndrápið hrottalega Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Ekkert spurst til Sólrúnar á Spáni í nokkra daga Innlent Tólf mánaða fangelsi fyrir að bera sig og áreita börn Innlent Fresta umræðu um fjármálaáætlun eftir athugasemdir stjórnarandstöðunnar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira
Eins og við var að búast voru áhrif veiðigjalda á íslensk sjávarútvegsfyrirtæki í forgrunni aðalfundar Landssambands íslenskra útvegsmanna í gær. Átakalínurnar voru skýrar í ræðum atvinnuvegaráðherra og formanns samtakanna. Eins kom fram á fundinum að blikur væru á lofti varðandi markaðsmál íslensks sjávarútvegs. Adolf Guðmundsson, formaður LÍÚ, reifaði í upphafsræðu fundarins þá sýn útgerðarinnar í landinu, sem hefur legið fyrir lengi, að breytingar á lögum um stjórn fiskveiða væri atlaga að greininni og þá ekki síst að hækkun veiðigjalda. Hann sagði að fjölmörg fyrirtæki myndu ekki rísa undir gjaldtökunni og þau sem hefðu hrygg til að standa undir henni stæðu löskuð eftir. „Fjárfestingar, þróunarstarf og nýsköpun dragast saman og fyrirtæki sem byggja afkomu og rekstur sinn á starfsemi sjávarútvegsfyrirtækja veikjast. Hér er um sannkallaðan landsbyggðarskatt að ræða þar sem meginstarfsemi sjávarútvegsins er utan höfuðborgarsvæðisins," sagði Adolf í ræðu sinni. Átök á vinnumarkaðiAdolf vék að sameiginlegum hagsmunum útgerðarinnar og sjómanna í landinu í ræðu sinni; að útgerðin og sjómenn deili kjörum í hlutaskiptakerfi. Það kerfi sagði Adolf að gæti ekki haldist óbreytt ef veiðigjöldin stæðu. Skattlagningin myndi fela í sér átök á vinnumarkaði með tilheyrandi tjóni. Adolf spurði: „Stjórnvöld halda því fram að skattlagningin muni ekki hafa áhrif á launakjör sjómanna. Hvernig má það vera, að ef ríkið tekur 10-20% af tekjunum sé útgerðum ætlað að greiða um 40% í laun og launatengd gjöld af þeim fjármunum sem fyrirtækin hafa ekki?" Undir lok ræðunnar sagði Adolf: „Ég skora á atvinnuvegaráðherra að hlusta á þau rök sem fram hafa verið færð af okkar hálfu og annarra og beita sér fyrir endurskoðun laganna um veiðigjöld til að forða því tjóni sem við blasir." Aðalfundur en ekki jarðarförSteingrímur J. Sigfússon atvinnuvegaráðherra steig næstur í pontu og tók það fram fyrst af öllu að hans sýn væri á allt öðrum nótum en komið hefði fram hjá formanni LÍÚ. Greinin stæði styrkum fótum og væri vel aflögufær. Hann sagðist því ætla að ávarpa fundarmenn á þeim nótum að hann væri staddur á aðalfundi LÍÚ en ekki jarðarför. Hann spurði, í samhengi við jákvæðar afkomutölur útgerðarinnar að undanförnu, hvernig hljóðið hefði verið á fundum LÍÚ fyrr á árum þegar útgerðin var sannarlega í erfiðleikum. Þetta féll í misjafnan jarðveg hjá fundarmönnum og heyrðist kallað úr sal að ráðherra ætti að skammast sín. Steingrímur gaf stöðu þjóðarbúsins frá hruni töluvert vægi í ræðu sinni. Hann sagði það nauðsynlegt því að þeir sem færu með stjórn landsins gætu ekki leyft sér þann munað að horfa eingöngu á þröng hagsmunamál einnar greinar. „Það þarf að reka fleira en sjávarútvegsfyrirtæki. Það þarf að reka Ísland," sagði Steingrímur og ljóst að hann vísaði til þess að allir þyrftu að leggja sitt til – ekki síst sjávarútvegurinn í landinu. Markaðsmál áhyggjuefniMarkaðir fyrir sjávarafurðir var sennilega eini snertipunkturinn í ræðum þeirra Adolfs og Steingríms þar sem þeir voru á sömu línu. Þeir deila þeirri skoðun að blikur séu á lofti á mörkuðum og að óvissan hafi aukist verulega að undanförnu. Erfiðir tímar blasa við, sagði Adolf. Steingrímur sagði að sterkir markaðir Íslendinga í Evrópu væru að gefa eftir. Á sama tíma lægi fyrir að framboð á þorski úr Barentshafi myndi aukast stórlega á næsta ári og makríldeilan gæti spilað inn í þessa mynd: „Til dæmis þannig að vinir okkar Norðmenn komi þeim skilaboðum á framfæri í Bretlandi að þeir þyrftu ekki að hafa áhyggjur af því að loka á íslenskan fisk þar sem þeir gætu séð um að fylla í skarðið með þorski úr Barentshafi," sagði ráðherra og hvatti menn til að sameinast því krappur dans gæti verið fram undan á komandi mánuðum.
Fréttir Mest lesið Prestur sakar oddvita um ólýðræðislega hallarbyltingu í veiðifélagi Innlent Enn skjálftahrina við Trölladyngju Innlent Sólrún fundin á Spáni Innlent Það sem við vitum og vitum ekki um manndrápið hrottalega Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Ekkert spurst til Sólrúnar á Spáni í nokkra daga Innlent Tólf mánaða fangelsi fyrir að bera sig og áreita börn Innlent Fresta umræðu um fjármálaáætlun eftir athugasemdir stjórnarandstöðunnar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira