Stundvísasta félag Evrópu

Icelandair var stundvísast allra evrópskra flugfélaga sem eru í AEA, Evrópusambandi flugfélaga, í alþjóðaflugi í september.

Fram kemur í tilkynningu að félagið hafi verið stundvísast allra í flugi á lengri flugleiðum, með 92,5 prósenta stundvísi, sem og í flugi á styttri og meðallöngum leiðum með 93,9 prósenta stundvísi.

„Samanlagt er stundvísin því 93,5 prósent og er félagið númer eitt af 25 alþjóðlegum flugfélögum í þessari mælingu," segir í tilkynningu. Í langflugi er Icelandair jafnframt í efsta sæti það sem af er ári með 90,7 prósenta stundvísi.- óká