Já og allt í + Sigurður Árni Þórðarson skrifar 1. október 2012 06:00 Áttu erfitt með að svara já eða nei? Nei. En hvort ætlar þú að krossa við já eða nei varðandi spurninguna um þjóðkirkjuákvæði í stjórnarskrá? Þá flækist málið. Fólk sem hefur svipaðar skoðanir greinir á um hvort það eigi að merkja við já eða nei vegna þess að spurningin er óskýr og jafnvel misvísandi. Síðar í þessum mánuði verða kjörklefarnir opnaðir og þá getum við tjáð hug okkar og afstöðu til ýmissa stjórnarskrármála. Ein spurninganna er þessi: ?Vilt þú ákvæði um þjóðkirkju í stjórnarskrá?? Og hvernig er best að svara? Með já-i eða nei-i? Byrjum á því að greina hvað spurningin á atkvæðaseðlinum merkir ekki. Hún spyr alls ekki um tengsl ríkis og kirkju þó margir haldi það. Ekki er heldur spurt um hvort á Íslandi eigi að vera þjóðkirkja eða ekki. Og nei eða já hefur ekkert með það að gera hvort einni milljóninni minna eða meira verði varið til prestslauna eða kirkjulegrar þjónustu – hvort ríkið eigi að minnka kirkjulega þjónustu á Sauðanesi eða Seltjarnarnesi. Um hvað er þá spurt? Aðeins það eitt hvort nefna eigi þjóðkirkju í stjórnarskrá eða ekki. Það er nú allt og sumt. Vegna þess að spurningin er of óljós verður niðurstaðan óhjákvæmilega misvísandi og jafnvel ómarktæk. Nei eða já verði þingmönnum ekki góður leiðarvísir. Þegar svo óljóst er spurt verði þetta hvorki kosning né skoðanakönnun heldur bara rugl. Ég mun þó fara á kjörstað og kjósa. Ég mun setja mitt x við já – en það verður skilyrt já. Ég tel að þjóðkirkjuákvæði eigi að vera í stjórnarskrá íslenska ríkisins – alla vega í einhveja áratugi áfram. En trúmálagreinina þarf að bæta og styrkja. Þegar 62 gr. stjórnarskrárinnar verður endurrituð ætti að nefna trúfélög og lífsskoðunarfélög einnig, rétt eins og í nýlegri og nútímalegri stjórnarskrá Noregs. 62. gr. stjórnarskárinnar hefur aldrei fjallað um forréttindi þjóðkirkju heldur þjónustuskyldu við fólkið í landinu. Nú starfar fjöldi trúfélaga á Íslandi sem geta axlað skyldur með þjóðkirkjunni, líka lífsskoðunarfélög. Þjóðkirkjan ver og styður trúfrelsi. Stjórnarskrá er grunnsáttmáli samfélags og mikilvægt að trú og trúfélögum sé settur jákvæður rammi. Ég segi því já og hvet til að við sameinumst um að þróa jákvæða trúmálalöggjöf í landinu til hagsbóta fyrir fólk. Ruglumst ekki. Útvíkkum þjóðkirkjugreinina, krossum við já og meinum já +. Viltu birta grein á Vísi? Sendu okkur póst. Senda grein Sr. Sigurður Árni Þórðarson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Áttu erfitt með að svara já eða nei? Nei. En hvort ætlar þú að krossa við já eða nei varðandi spurninguna um þjóðkirkjuákvæði í stjórnarskrá? Þá flækist málið. Fólk sem hefur svipaðar skoðanir greinir á um hvort það eigi að merkja við já eða nei vegna þess að spurningin er óskýr og jafnvel misvísandi. Síðar í þessum mánuði verða kjörklefarnir opnaðir og þá getum við tjáð hug okkar og afstöðu til ýmissa stjórnarskrármála. Ein spurninganna er þessi: ?Vilt þú ákvæði um þjóðkirkju í stjórnarskrá?? Og hvernig er best að svara? Með já-i eða nei-i? Byrjum á því að greina hvað spurningin á atkvæðaseðlinum merkir ekki. Hún spyr alls ekki um tengsl ríkis og kirkju þó margir haldi það. Ekki er heldur spurt um hvort á Íslandi eigi að vera þjóðkirkja eða ekki. Og nei eða já hefur ekkert með það að gera hvort einni milljóninni minna eða meira verði varið til prestslauna eða kirkjulegrar þjónustu – hvort ríkið eigi að minnka kirkjulega þjónustu á Sauðanesi eða Seltjarnarnesi. Um hvað er þá spurt? Aðeins það eitt hvort nefna eigi þjóðkirkju í stjórnarskrá eða ekki. Það er nú allt og sumt. Vegna þess að spurningin er of óljós verður niðurstaðan óhjákvæmilega misvísandi og jafnvel ómarktæk. Nei eða já verði þingmönnum ekki góður leiðarvísir. Þegar svo óljóst er spurt verði þetta hvorki kosning né skoðanakönnun heldur bara rugl. Ég mun þó fara á kjörstað og kjósa. Ég mun setja mitt x við já – en það verður skilyrt já. Ég tel að þjóðkirkjuákvæði eigi að vera í stjórnarskrá íslenska ríkisins – alla vega í einhveja áratugi áfram. En trúmálagreinina þarf að bæta og styrkja. Þegar 62 gr. stjórnarskrárinnar verður endurrituð ætti að nefna trúfélög og lífsskoðunarfélög einnig, rétt eins og í nýlegri og nútímalegri stjórnarskrá Noregs. 62. gr. stjórnarskárinnar hefur aldrei fjallað um forréttindi þjóðkirkju heldur þjónustuskyldu við fólkið í landinu. Nú starfar fjöldi trúfélaga á Íslandi sem geta axlað skyldur með þjóðkirkjunni, líka lífsskoðunarfélög. Þjóðkirkjan ver og styður trúfrelsi. Stjórnarskrá er grunnsáttmáli samfélags og mikilvægt að trú og trúfélögum sé settur jákvæður rammi. Ég segi því já og hvet til að við sameinumst um að þróa jákvæða trúmálalöggjöf í landinu til hagsbóta fyrir fólk. Ruglumst ekki. Útvíkkum þjóðkirkjugreinina, krossum við já og meinum já +.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun