Tíu Fjölnismenn náðu í stig gegn Þór

Fjölnismenn styrktu stöðu sína í 2. sæti 1. deildar karla í knattspyrnu með markalausu jafntefli gegn Þór. Fjölnismenn léku manni færri stærstan hluta leiksins.

Strax á 3. mínútu leiksins slapp Sveinn Elías Jónasson, sóknarmaður Þórs, inn fyrir vörn Fjölnismanna. Sveinn lék framhjá Martini Erni Halldórssyni sem braut á honum. Vítaspyrna og rautt spjald.

Gamla kempan Gunnar Sigurðsson kom í markið og hans fyrsta verk var að verja vítaspyrnu Kristins Þórs Björnssonar.

Manni færri tókst heimamönnum að halda aftan af gestunum. Stigið lyfti Fjölni í 2. sæti deildarinnar með 17 stig að loknum níu umferðum. Þór hefur 14 stig í fjórða sæti.