Sandra inn fyrir Guðbjörgu

Sigurður Ragnar Eyjólfsson, kvennalandsliðsþjálfari, hefur þurft að gera breytingu á hópnum sínum fyrir leikina gegn Ungverjalandi og Búlgaríu í undankeppni EM.

Guðbjörg Gunnarsdóttir er meidd og hefur Sigurður Ragnar kallað á Söndru Sigurðardóttur úr Stjörnunni inn í íslenska hópinn í stað Guðbjargar.

Sandra á að baki sex A-landsleiki en hún lék sinn síðasta landsleik á móti Eistlandi 25. ágúst 2010.

Sandra hefur aðeins fengið á sig 2 mörk í síðustu 4 leikjum Stjörnunnar en Stjörnukonur hafa unnið þá alla.