Kynning á veiðistöngum við Vífilsstaðavatn

Kynning á Vision fluguveiðistöngum verður við Vífilsstaðavatn í dag á milli klukkan 13 og 16. Veiðimenn geta fengið að prófa að kasta.

Það er veiðiverslunin Hrygnan sem stendur fyrir kynningunni, en stangirnar eru seldar í versluninni. Kynntar verða bæði einhendur og tvíhendur. Hjörleifur Steinarsson, Ríkharður Hjálmarsson og Hörður Birgir Hafsteinsson sýna köst og bjóða fólki að prófa.

Allir þeir sem taka þátt fara í happa-pott og verða dregnir út 10 vinningar í lok kynningarinnar. Einnig verður þeim sem prófa stangirnar boðið upp á hamborgara og pylsur.