Vidal er ekki til sölu

Juventus hefur komið þeim skilaboðum áleiðis til Real Madrid að miðjumaðurinn Arturo Vidal sé ekki til sölu en Real hefur verið að sýna leikmanninum áhuga.

Þessi 24 ára strákur frá Síle hefur slegið í gegn hjá Juve og vakið athygli út um alla Evrópu. Real hafði þegar sett sig í samband við umboðsmann leikmannsins.

"Það er satt að Real hafði samband við umboðsmann hans en hann er ekki til sölu. Það þarf ekkert að ræða það mál frekar. Vidal verður áfram hjá Juventus," sagði Giuseppe Marotta hjá Juventus.

Vidal kom til félagsins frá Bayer Leverkusen fyrir tæpu ári síðan og er samningsbundinn til ársins 2016.