Erfið byrjun hjá Rory McIlroy og Tiger Woods

Ástralinn Adam Scott og Bandaríkjamaðurinn Jason Dufner eru jafnir í efsta sæti að loknum fyrsta keppnisdegi á Cadillac – meistaramótinu í golfi sem hófst í gær. Þeir léku báðir á 66 höggum eða 6 höggum undir pari á „bláa skrímslinu" á Doral golfsvæðinu. Flestir af sterkustu kylfingum heims eru á meðal keppenda og þar má nefna Rory McIlroy frá Norður-Írlandi og Tiger Wods frá Bandaríkjunum.

Rory McIlroy er að leika á sínu fyrsta móti frá því hann náði efsta sæti heimslistans um síðustu helgi með sigri á Honda meistaramótinu. McIlroy lék á 73 höggum eða 1 höggi yfir pari.

Tiger Woods var ekkert skárri en hann lék á pari vallar eða 72 höggum. Skor keppenda er frekar hátt en aðeins 12 kylfingar náðu að leika undir pari vallar. Meðalskorið var 72,7 högg.

Suður-Afríkumaðurinn Charl Schwartzel og Daninn Thomas Björn léku báðir á 68 höggum. Á meðal þeirra sem lék á 69 höggum eru; Bandaríkjamennirnir Keegan Bradley og Steve Stricker.