Eins og sjá má á myndunum skemmtu leikararnir sér vel.
Brynjur og Útlagar, félög leikara sem lært hafa erlendis, héldu síðbúna Þorragleði um helgina í leikhúsinu Norðurpólnum á Seltjarnarnesi.
Pörupilturinn Nonni Bö, sem leikkonan Alexía Björg Jóhannesdóttir leikur, mætti á svæðið og flutti minni kvenna og karla. Leikarinn Bjartmar Þórðarson mætti einnig uppábúinn og söng íslenska útgáfu af lagi Amy Winehouse, Rehab.
