Kvóti í Bíldsfellinu

Fyrir sumarið 2012 hefur verið settur rúmur kvóti á svæðum SVFR í Soginu. Hann er nú sex laxar á hvern stangardag fram til 1. september.  Eftir þann tíma er kvóti tveir laxar á stöng á dag.

Eins og liggur í augum uppi þegar skoðuð er meðalveiði í Soginu, þá hefur þessi rúmi kvóti áhrif á fæsta veiðimenn. Hins vegar hafa komið upp dæmi í seinni tíð þar sem að veiðin hefur verið mjög mikil yfir miðsumarið í Soginu, og sérstaklega eftir að netaleigan hófst niður við Selfoss.

Hafa sést miklir öfgar í veiðitölum á milli daga þegar göngur renna sér inn í Sogið, þá sérstaklega í Bíldsfelli.  Þess má geta að eftir sem áður má sleppa veiddum laxi eftir að kvóta er náð.

Birt með góðfúslegu leyfi SVFR