Veiði lokið í Laxá í Mývatnssveit og Laxárdal

Veiði lauk á urriðasvæðunum í Laxá síðastliðin mánaðarmót. Hár meðalþungi einkenndi tímabilið að þessu sinni, þá sérstaklega í Laxárdal.

Bráðabirgðatölur af svæðunum eru um 4.000 urriðar. Þar af eru um 3.000 úr Mýtvatnssveitinni, en ekki eru öll kurl komin til grafar varðandi lokatölurnar.

Líkt og áður segir er rétt tæplega um meðalsumar að ræða, en hins vegar verður ekki horft fram hjá því að mikið meira var um stærri fisk heldur en undanfarin sumur. Voru að veiðast urriðar sem losuðu tíu punda markið, auk þess sem að mjög stór hluti aflans var frá 55-65 cm.

Birt með góðfúslegu leyfi SVFR