Dauft í Vatnsá og Skógá

Óvenju litlum fréttum hefur farið af Vatnsá sem hefur verið með frískari laxveiðiám landsins síðustu sumur. Þá er einnig dauft yfir Skógá, en okkur langaði að heyra fréttir af svæðinu og heyrðum í Ásgeiri Ásmundssyni.

Ásgeir er leigutaki Skófgár og umsjónarmaður Vatnsár. Hann sendi okkur dálitla skýrslu:  „Það má með sanni tala um þessa vertíð sem merkilega fyrir þær sakir hve lítið gengur af laxi á þessu svæði. Vatnsá er að gefa bestu tveggja daga hollum uppí 15 laxa sem er varla fjórðungur af veiðinni frá því í fyrra. Laxinn hefur verið að færa sig ofar í kerfið og víða má finna lax en hvergi er mikið magn af fiski. Stórlaxar hafa verið að veiðast jafnt og þétt í sumar og hafa nokkrir 80+ cm fiskar komið á land, þá hafa  veiðst uppí 8 punda birtingar á svæðinu. Af síðustu þremur árum hefur Vatnsá verið besta laxveiðiáin á landinu í tvígang yfir veiði pr.stöng  en þetta sumar er algjör viðsnúningur þar á.

Meira um Vatnsá og Skógá á https://www.votnogveidi.is/frettir/eru-thau-ad-faann/nr/4030

Birt með góðfúslegu leyfi Vötn og Veiði