Góðar fréttir af sjóbirtingsslóðum

Sjóbirtingurinn er mættur í flest öll vatnsföll sem SVFK hefur uppá að bjóða í nágrenni Kirkjubæjarklausturs. Greinilegt að rigningar sem voru á svæðinu í byrjun ágúst hefur skilað inn fyrstu göngunum.

Hér er frétt frá SVFK:

Við sögðum frá því fyrir skemmstu að það hefðu veiðst tveir laxar ásamt birtingi í ánni, það rétta er að það veiddist einn lax, 7 punda birtingur og tvær bleikjur ásamt smærri fiski. Bleikjurnar voru vænar eða 3,5 pund og 4 pund. Allir fiskarnir voru skráðir á veiðistað nr   15. Það var svo formaður félagsins Gunnar J. Óskarsson sem var staddur við ána á sunnudaginn (14.) og er skemmst frá því að segja að hann setti heldur betur í hann. Á tveimur tímum setti hann í fjórtán birtinga og landaði níu. Hina missti hann í löndun. Fiskarnir vóu frá 3-9 pundum og þá setti Gunnar einnig í enn stærri birting sem hann áætlaði 12-14 pund.

Meira um sjóbirtingsveiðar af svæðum SVFK hér á linknum fyrir neðan:

https://svfk.is/