Ótrúleg meðalþyngd úr Laxá

Meðallengd veiddra laxa á Nesveiðum fram til þessa er 84 sentimetrar. Í morgun veiddist 26 punda lax í Presthyl auk þess sem nokkrir "smærri" veiddust.

Menn eru hættir að kippa sér upp við laxa um eða yfir 20 pund í Aðaldalnum. Í morgun fékkst þriðji risinn á þremur dögum þegar að nýlegum 26 punda laxi var landað í hinum rómaða stórlaxastað, Presthyl. Var það þriðja daginn í röð sem að lax yfir 23 pundum veiddist.

Athygli vekur ótrúleg meðallengd laxa fram til þessa. Lítið ber á smálaxi og þó svo að nokkrir þeirra séu skráðir til bókar þá er meðallengd veiddra laxa 85 sentimetrar. Ekki ber þó öllum gæfa til að landa þessum skepnum, því í gær sleit einn flugulínuna við taumasamskeitin, og annar sleit tuttugu punda taum veiðimanns í Prestyl í kvöld.  Mikið virðist vera að löxum í yfirstærð þetta sumarið.

Birt með góðfúslegu leyfi SVFR