Góð vika í veiðivötnum og veiðin að aukast

Aðstæður í Veiðivötnum hafa lagast mikið síðustu vikuna, vötnin að hitna og flugan að minnka. Veiðin hefur tekið kipp upp á við samhliða því. Í 4. viku komu 2743 fiskar á land, sem er mjög gott miðað við sama tíma undanfarin ár.

Mest veiddist í Langavatni, 579 fiskar. Einnig veiddist vel í Litlasjó, Nýjavatni, Stóra Fossvatni, Skyggnisvatni og Snjóölduvatni. Heildarveiðin í Veiðivötnum er komin upp í 10703 fiska sem verður að teljast mjög góð veiði.

Hæst meðalþyngd er í Ónefndavatni og Grænavatni (3,0-3,5 pd). Einnig veiðast þungir fiskar í Hraunvötnum, Litlasjó, Snjóölduvatni, Ónýtavatni, Litla Skálavatni og Fossvötnunum. Þyngsti fiskurinn kom úr Hraunvötnum, 11,4 pd í annari viku.

Frétt af vef Veiðivatna www.veidivotn.is