Stórlax úr Víðidalnum

Við sögðum frá 101 cm laxi sem veiddist í Víðidalnum fyrir helgi og okkur bárust þessar myndir um helgina. Það er stórlaxaveiðimaðurinn Helgi Guðbrandsson sem brosir sínu blíðasta fyrir okkur með laxinum á þessum myndum.

Af Víðidalnum er það að frétta að nokkuð tregt hefur verið undanfarna daga en þó var nýr lax að ganga í morgun og spurning hvort nú sé von á batnandi tíð með blóm í haga (laxi í hyljum).

Blanda er með allnokkru lífsmarki, 8 laxar komu á land í morgun á svæði 1 (enn eru veiðimenn að missa þá stóru).

Á svæði 4 komu einhverjir laxar á land á fluguna í gær, og staðhæfa veiðimenn að mikið sé af laxi í hyljum þar uppfrá – þó erfiðlega gangi að fá hann til að taka.

Við erum þegar búin að flytja fréttir af svæði 3 en svæði 2 virðist einnig vera á ágætis róli miðað við undanfarin ár – slatti kominn á land á undanförnum sögum og líf á efri hlutanum. Nokkrir jaxlar voru við veiðar á þessu svæði um helgina og misstu víst 2-3 laxa fyrir hvern sem landað var. Mest virðist vera að gerast í Svarthylnum.

Birt með góðfúslegu leyfi Lax-Á