Fyrsti laxinn kominn úr Andakílsá

Fyrsti laxinn kom úr Andakílsá í gær samkvæmt upplýsingum frá veiðimönnum. Var þar á ferðinni 82 cm hrygna sem veiddist um miðbik árinnar.

Að sögn Valgeirs Smára Óskarssonar var ekki skráður lax í veiðibók við komu. Fyrir utan hrygnuna stóru þá sáu þau ekki mikið meira líf.

Þess má geta að laxinn sem veiddist fékkst ofan við manngerða stíflu sem búið er að setja upp við Andakílsá. Ástæða þeirrar framkvæmdar var að freista þess að spyrna við mikilli fjölgun Flundru á hrygningarsvæðum árinnar.

Mjög líklegt verður að telja, og sér í lagi í ljósi þess að fyrsti laxinn fékkst ofan við garðinn, að þar sé kominn álitlegasti veiðistaður.

Birt með góðfúslegu leyfi SVFR