Stórir birtingar ennþá að veiðast í Baugstaðarós

Við fengum þessa mynd senda frá Vigni Grétari Stefánssyni sem var við veiðar í Baugstaðarós og náði meðal annars þessum 10 punda sjóbirting. En að auki náðust tveir aðrir, 5 og 6 punda. Þetta er stærsti sjóbirtingurinn úr Baugstaðarós á þessu tímabili eftir því sem við best vitum og að sögn þeirra sem hafa verið á svæðinu undanfarið hefur verið slatti af fiski og veiðin mjög fín.

Við þökkum Vigni fyrir myndina og hann er hér með kominn í fréttapottinn okkar. Við drögum úr innsendum veiðifréttum 1. júlí.

Þið getið sent okkur veiðifréttir og veiðimyndir á kalli@365.is