Enn bið á endurkomu Tigers

Margir höfðu vonast til þess að Tiger Woods myndi snúa aftur á golfvöllinn á Match Play-meistaramótinu í næstu viku en nú er ljóst að ekkert verður af því.

Keppendalisti var gefinn út í gær og þar vantaði nafn Tiger Woods. Það var einmitt á þessu sama móti sem hann snéri aftur eftir hnémeiðslin fyrir ári síðan.

Tiger hefur ekki sést opinberlega síðan 11. desember síðastliðinn. Umboðsmaður hans hefur ekkert viljað tjá sig og Tiger hefur ekkert skrifað á heimasíðu sína heldur.