Fréttaskýring: Meira verður ekki gert 4. desember 2010 00:01 Brosandi við undirskrift. Á myndinni eru Guðjón Rúnarsson, Samtökum fjármálafyrirtækja, Jóhanna Sigurðardóttir forsætisráðherra, Steingrímur J. Sigfússon fjármálaráðherra og Arnar Sigurmundsson, Landssamtökum lífeyrissjóða. Fjórtán skrifuðu undir yfirlýsinguna í Þjóðmenningarhúsinu í gær. Mynd/GVA Skuldavanda heimilanna verður mætt með niðurfellingu skulda, auknum vaxtabótum og niðurgreiðslu vaxta. Aðgerðirnar kosta yfir 100 milljarða króna. Aðgerðir ríkisstjórnarinnar, lánastofnana og lífeyrissjóða til að mæta vanda skuldsettra heimila ná til þorra heimila með íbúðaskuldir. Um 72 þúsund heimili eru með íbúðaskuldir og er áætlað að aðgerðirnar nái til 60 þúsund heimila. Jóhanna Sigurðardóttir forsætisráðherra fagnaði samkomulaginu við undirritun þess í Þjóðmenningarhúsinu í gær. Hún sagði viðræður um það hafa staðið linnulaust í þrjár vikur en það byggir á vinnu sérfræðingahóps sem settur var á laggirnar fyrir tveimur mánuðum. Hægt er að skoða myndina í stærri upplausn með því að smella á hana. Jóhanna sagði samkomulagið hafa félagslegt og þjóðhagslegt gildi og styðja við aukinn hagvöxt. Aðilar samkomulagsins eru sammála um að með því sé brugðist við skuldavandanum með viðhlítandi hætti og eins og fært sé. Ekki séu efni til að vænta frekari aðgerða. Steingrímur J. Sigfússon fjármálaráðherra segir heildaráhrif aðgerðanna jákvæð. Við undirritunina gat hann þess að samkomulag við lífeyrissjóðina um framkvæmdir væri hársbreidd frá því að nást. Þá kom fram að fljótlega mætti vænta aðgerða stjórnvalda og banka gagnvart litlum og meðalstórum fyrirtækjum. Er von manna að þær hleypi krafti í atvinnulífið. Aðgerðirnar sem kynntar voru í gær kosta yfir 100 milljarða króna að meðteknum áhrifum á nýjum lögum um gengislán. 70 milljarðar af þeirri fjárhæð falla á banka og sparisjóði. Bætast þeir við þá rúmu 20 milljarða sem fjármálafyrirtæki hafa þegar afskrifað. Hægt er að skoða myndina í stærri upplausn með því að smella á hana. Að sögn Guðjóns Rúnarssonar, framkvæmdastjóra Samtaka fjármálafyrirtækja, mæta stóru viðskiptabankarnir afskriftunum með því svigrúmi sem varð til við yfirfærslu eigna úr gömlu bönkunum í þá nýju. Aðgerðirnar kalli því ekki á breytingar á kjörum. Hlutur ríkissjóðs í aðgerðunum nemur um 20 milljörðum króna á næstu tveimur árum. Felst hann í auknum vaxtabótum og framlögum til Íbúðalánasjóðs. Lífeyrissjóðirnir leggja tíu til fimmtán milljarða króna til aðgerðanna. Þeim hefur verið borið á brýn að hafa staðið í vegi samkomulags. Ásökunum þar um svarar Arnar Sigurmundsson, formaður Landssamtaka lífeyrissjóða, með því að benda á að lög meini lífeyrissjóðum að fella niður innheimtanlegar kröfur. Lífeyrissjóðirnir fagna samkomulaginu og telja það stórt skref í átt að bærilegri tilveru fyrir skuldugar fjölskyldur og landsmenn alla. Gat Arnar þess að sjóðirnir þyrftu ekki að skerða réttindi sjóðfélaga vegna samkomulagsins. Til viðbótar viljayfirlýsingu um aðgerðir vegna skuldavanda heimilanna gefur ríkisstjórnin út tvær yfirlýsingar. Önnur er um víxlverkun bóta almannatrygginga og lífeyrissjóðanna.Verða þær aftengdar í þrjú ár. Einnig verður frítekjumark ellilífeyrisþega vegna lífeyrissjóðstekna hækkað í áföngum á þremur árum. Hin yfirlýsingin snýr að verðtryggingu og lífeyrismálum. Mun ríkisstjórnin hraða aðgerðum til að draga úr vægi verðtryggingar í efnahagslífinu. Ekki er endanlega ljóst hver áhrif breytinga á vaxtabótakerfinu verða. Jóhanna Sigurðardóttir kvaðst í gær telja að breytingarnar gætu falið í sér útgjaldalækkun heimila um 200 til 300 þúsund krónur á ári. Unnið verður að útfærslu á nokkrum liðum viljayfirlýsingarinnar á næstu dögum. Er áformað að undirrita endanlegt samkomulag um aðgerðir 15. desember. Skroll-Fréttir Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Skuldavanda heimilanna verður mætt með niðurfellingu skulda, auknum vaxtabótum og niðurgreiðslu vaxta. Aðgerðirnar kosta yfir 100 milljarða króna. Aðgerðir ríkisstjórnarinnar, lánastofnana og lífeyrissjóða til að mæta vanda skuldsettra heimila ná til þorra heimila með íbúðaskuldir. Um 72 þúsund heimili eru með íbúðaskuldir og er áætlað að aðgerðirnar nái til 60 þúsund heimila. Jóhanna Sigurðardóttir forsætisráðherra fagnaði samkomulaginu við undirritun þess í Þjóðmenningarhúsinu í gær. Hún sagði viðræður um það hafa staðið linnulaust í þrjár vikur en það byggir á vinnu sérfræðingahóps sem settur var á laggirnar fyrir tveimur mánuðum. Hægt er að skoða myndina í stærri upplausn með því að smella á hana. Jóhanna sagði samkomulagið hafa félagslegt og þjóðhagslegt gildi og styðja við aukinn hagvöxt. Aðilar samkomulagsins eru sammála um að með því sé brugðist við skuldavandanum með viðhlítandi hætti og eins og fært sé. Ekki séu efni til að vænta frekari aðgerða. Steingrímur J. Sigfússon fjármálaráðherra segir heildaráhrif aðgerðanna jákvæð. Við undirritunina gat hann þess að samkomulag við lífeyrissjóðina um framkvæmdir væri hársbreidd frá því að nást. Þá kom fram að fljótlega mætti vænta aðgerða stjórnvalda og banka gagnvart litlum og meðalstórum fyrirtækjum. Er von manna að þær hleypi krafti í atvinnulífið. Aðgerðirnar sem kynntar voru í gær kosta yfir 100 milljarða króna að meðteknum áhrifum á nýjum lögum um gengislán. 70 milljarðar af þeirri fjárhæð falla á banka og sparisjóði. Bætast þeir við þá rúmu 20 milljarða sem fjármálafyrirtæki hafa þegar afskrifað. Hægt er að skoða myndina í stærri upplausn með því að smella á hana. Að sögn Guðjóns Rúnarssonar, framkvæmdastjóra Samtaka fjármálafyrirtækja, mæta stóru viðskiptabankarnir afskriftunum með því svigrúmi sem varð til við yfirfærslu eigna úr gömlu bönkunum í þá nýju. Aðgerðirnar kalli því ekki á breytingar á kjörum. Hlutur ríkissjóðs í aðgerðunum nemur um 20 milljörðum króna á næstu tveimur árum. Felst hann í auknum vaxtabótum og framlögum til Íbúðalánasjóðs. Lífeyrissjóðirnir leggja tíu til fimmtán milljarða króna til aðgerðanna. Þeim hefur verið borið á brýn að hafa staðið í vegi samkomulags. Ásökunum þar um svarar Arnar Sigurmundsson, formaður Landssamtaka lífeyrissjóða, með því að benda á að lög meini lífeyrissjóðum að fella niður innheimtanlegar kröfur. Lífeyrissjóðirnir fagna samkomulaginu og telja það stórt skref í átt að bærilegri tilveru fyrir skuldugar fjölskyldur og landsmenn alla. Gat Arnar þess að sjóðirnir þyrftu ekki að skerða réttindi sjóðfélaga vegna samkomulagsins. Til viðbótar viljayfirlýsingu um aðgerðir vegna skuldavanda heimilanna gefur ríkisstjórnin út tvær yfirlýsingar. Önnur er um víxlverkun bóta almannatrygginga og lífeyrissjóðanna.Verða þær aftengdar í þrjú ár. Einnig verður frítekjumark ellilífeyrisþega vegna lífeyrissjóðstekna hækkað í áföngum á þremur árum. Hin yfirlýsingin snýr að verðtryggingu og lífeyrismálum. Mun ríkisstjórnin hraða aðgerðum til að draga úr vægi verðtryggingar í efnahagslífinu. Ekki er endanlega ljóst hver áhrif breytinga á vaxtabótakerfinu verða. Jóhanna Sigurðardóttir kvaðst í gær telja að breytingarnar gætu falið í sér útgjaldalækkun heimila um 200 til 300 þúsund krónur á ári. Unnið verður að útfærslu á nokkrum liðum viljayfirlýsingarinnar á næstu dögum. Er áformað að undirrita endanlegt samkomulag um aðgerðir 15. desember.
Skroll-Fréttir Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira