Haraldur vann góðan sigur á Hellu

Haraldur Franklín Magnús úr GR tryggði sér sigur á Egils Gull-mótinu sem lauk á Hellu í dag. Mótið var lokamótið í Eimskipsmótaröðinni.

Mikil spenna var á hringnum í dag og lengi vel leit út fyrir að Stefán Már Stefánsson myndi tryggja sér sigurinn.

Hann missti aftur á móti aðeins flugið á seinni níu hölunum og endaði höggi á eftir Haraldi rétt eins og Sigmundur Einar Másson.

Hlynur Geir Hjartarson varð fjórði og Rúnar Arnórsson fimmti.