Halldór vildi ekki tjá sig um skýrslu rannsóknarnefndar Alþingis

Halldór Ásgrímsson, fyrrverandi ráðherra, vildi ekki tjá sig um skýrslu rannsóknarnefndar Alþingis þegar Vísir hafði samband við hann í dag.

„Ég er bara alveg upptekinn. Ég er bara því miður á fundi þannig að ég get ekki talað við þig núna," sagði Halldór. Hann sagðist alls ekki geta talað við blaðamann í dag en útilokaði ekki að hann myndi gera það seinna.

Fyrr í þessari viku sagði Steingrímur Ari Arason, sem átti sæti í einkavæðinganefnd, að ákvörðum um sölu Landsbankans og Búnaðarbankans verið tekin með pólitíska flokkshagsmuni í huga. Davíð Oddsson, þáverandi forsætisráðherra, og Halldór Ásgrímsson, þáverandi utanríkisráðherra, hafi tekið allar ákvarðanir um kaupendur.