Hækkun hugsanleg á árinu

Seðlabanki Evrópu ákvað í vikunni að stýrivöxtum yrði haldið í einu prósentustigi. Stýrivextir voru færðir niður í eitt prósent í maí í fyrra og hafa þeir aldrei verið lægri.

Bandaríska stórblaðið New York Times segir vaxtaákvörðunina sýna að aðildarríki myntbandalagsins glími enn við að koma efnahagskerfinu upp úr kreppunni. Ekki megi útiloka að bankinn grípi til aðhaldsaðgerða á seinni hluta árs til að halda verðbólgudraugnum frá og hækki stýrivexti. - jab