Sölvi semur við dönsku meistarana

Sölvi Geir Ottesen hefur samið við danska félagið F.C. København til þriggja ára. Sölvi var hjá SønderjyskeE í Danmörku áður en hann söðlaði um en varnarmaðurinn var mjög eftirsóttur um alla Evrópu.

"Ég kem fullur metnaðar til klúbbsins og vonast til að vinna fleiri titla með félaginu. Það hefur verið mikið í umræðunni hvert ég færi að fara en eina félagið sem ég vildi fara til innan Danmerkur var FCK," sagði Sölvi sem mun spila í treyju númer 5 hjá meisturunum.

"Hann er búinn að vera einn besti leikmaður SønderjyskeE undanfarin ár. Hann er mjög sterkur, góður skallamaður og barátta hans er aðdáunarverð. Ég er mjög ánægður að fá Sölva til klúbbsins," sagði Carsten Jensen, yfirmaður íþróttamála hjá FCK.