Brasilía vann Álfubikarinn

Brasilíumenn áttu hreint út sagt ótrúlega endurkomu í úrslitaleik Álfubikarsins gegn Bandaríkjunum í kvöld.

Bandaríkjamenn komu Brössum í opna skjöldu með því að skora tvö mörk í fyrri hálfleik. Fyrst Clint Dempsey á 9. mínútu og síðan Landon Donovan á 26. mínútu.

Brasilíumenn lögðu þó ekki árar í bát og Luis Fabiano minnkaði muninn eftir aðeins 34 sekúndur í síðari hálfleik.

Það var stanslaus árás á mark Bandaríkjamanna í síðari hálfleik og Fabiano jafnaði leikinn á 73. mínútu.

Það var síðan fyrirliðinn Lucio sem fullkomnaði endurkomuna með því að skora sigurmarkið með skalla á 83. mínúta.