Rækjukokteill

Sósa:

1 dl majones

1 dl sýrður rjómi

2 msk tómatsósa

dass af tabasko sósu

1 tsk worchester sósa

1 msk sítrónusafi ferskur

pipar

Öllu er blandað vel saman og látið standa.

Rækjur 

Gul melóna 

Tómatar 

Gúrka 

Steinselja 

Sítróna 

Salatblöð

Salat er rifið niður og sett í litlar skálar. Rækjurnar eru settar ofan á salatið ásamt smátt skorni melónu, sósunni hellt yfir, glasið er svo skreytt með tómat, gúrku, sítrónu og steinselju.

Vín með forrétt : Torres Fransola, Sauvignon blank. Ferskt og ávaxtaríkt. Flaggskip Torres fjölskyldunnar í flokki hvítvína.

Fransola er eitt af flaggskipum Torres í flokki hvítvína, einnar ekru vín af hálendi Penedés eða um 600 m. yfir sjávarmáli. Vínið er að upplagi Sauvignon Blanc, einungis um 10% Parellada. Gult með fallega grænum blæ. Flókinn ilmur með ávöxtum, ferskjum, eplum og kryddi. Afar spennandi. Ferskt, ákveðið bragð með reyktu og krydduðu yfirbragði.

Sauvignon Blanc nýtur sín einstaklega vel. Geymt á amerískri eik og á flöskum. Fransola er góður kostur með úvals fiskréttum, skelfiski, humar og aspas. - Fransola 1998, Médaille d´Or Challenge International Du Vin Bourg-Blaye, 2000. - Gullverðlaun Expovina árið 2003, fyrir 2002 árganginn.

Glös: Hvítvínsglös