Ólafur Örn skoraði í tapleik Brann

Ólafur Örn Bjarnason skoraði eina mark Brann sem tapaði í dag fyrir nýliðum Sandefjord í lokaleik fyrstu umferðar norsku úrvalsdeildairnnar í knattspyrnu.

Sandefjord komst í 3-0 forystu á fyrstu 60 mínútum leiksins en Ólafur Örn minnkaði muninn með marki úr vítaspyrnu á 84. mínútu.

Kristján Örn Sigurðsson var tekinn af velli á 66. mínútu leiksins en Ármann Smári Björnsson sat allan leikinn á varamannabekk Brann.

Gylfi Einarsson og Birkir Már Sævarsson gátu ekki spilað með Brann vegna meiðsla.

Kjartan Henry Finnbogason kom ekki við sögu í liði Sandefjord en hann var á varamannabekk liðsins.