Tiger fagnaði sigri

Tiger Woods fagnaði sigri á PGA National-mótinu sem fór fram í Maryland í Bandaríkjunum í gær. Þetta var hans 68. sigur á ferlinum á PGA-mótaröðinni og hans þriðji í ár.

Tiger var með forystu þegar að fjórði keppnisdagurinn hófst og lék á 67 höggum í gær eða þremur undir pari. Alls var hann á þrettán höggum undir pari.

Hunter Mahan lék þó best allra í gær eða á 62 höggum. Hann var á samtals tólf höggum undir pari en Tiger tryggði sér sigurinn með því að ná fugli á sautjándu holu.

Anthony Kim var þriðji á samtals níu höggum undir pari.