Norski boltinn: Garðar skoraði tvö mörk

Garðar Jóhannsson var sjóðheitur í liði Fredrikstad í dag. Garðar skoraði tvö mörk gegn Brann en það dugði ekki til þar sem Brann skoraði fjögur mörk.

Fjórir Íslendingar - Birkir Már Sævarsson, Kristján Örn Sigurðsson, Ólafur Örn Bjarnason og Gylfi Einarsson - voru í liði Brann og skoraði Gylfi eitt marka Brann.

Árni Gautur Arason stóð á milli stanganna hjá Odd Grenland sem gerði 1-1 jafntefli fyrir Start.

Pálmi Rafn Pálmason var í liði Stabæk og Birkir Bjarnason spilaði síðustu 20 mínúturnar fyrir Viking er liðin skildu jöfn, 2-2.