Sigur hjá Sundsvall

Íslendingaliðið GIF Sundsvall vann í kvöld 2-1 sigur á Syrianska í sænsku B-deildinni í knattspyrnu í kvöld.

Ari Freyr Skúlason lék allan leikinn fyrir Sundvall í kvöld en Hannes Þ. Sigurðsson kom inn á sem varamaður á 73. mínútu.

Þetta var fimmti sigur Sundsvall á leiktíðinni í ellefu leikjum en liðið féll úr sænsku úrvalsdeildinni síðastliðið haust. Liðið er nú í sjötta sæti deildarinnar með átján stig en Syrianska er í því fimmta með nítján.

Mjällby er á topi deildarinnar með 23 stig og á þar að auki leik til góða á mörg önnur lið í deildinni.