Frábær úrslit fyrir U-17 ára liðið

Íslenska U17 ára landslið kvenna hóf leik í dag í riðlakeppni EM með fræknu jafntefli gegn ríkjandi Evrópumeisturum, Þjóðverjum. Um gríðarlega mikilvægt stig gæti verið að ræða.

Gestirnir sóttu mikið til að byrja með en stelpurnar stóðu áhlaupið af sér. Þýska liðið var meira með boltann allan leikinn eins og búast mátti við en íslensku stelpurnar fögnuðu vel og innilega þegar flautað var til leiksloka.

Í hinum leik riðilsins vann Frakkland stórsigur á Ísrael, 8-0.

Ísland mætir Frökkum í lykilleik á sunnudag í Grindavík klukkan 13. Með sigri eða jafntefli þar á Ísland góða möguleika í framhaldinu.