Olíuverð ekki lægra síðan í apríl

Heimsmarkaðsverð á hráolíu lækkaði verulega í dag en fellibylurinn Gústav fór yfir Mexíkóflóa í gær. Verðið er undir 106 dölum á tunnu og hefur ekki verið lægra í heila fimm mánuði.

Olíuverðið fór í rúma 147 dali á tunnu í júlí og hefur það því fallið um 28 prósent á um þremu mánuðunum.

Að sögn fréttastofu Bloomberg fluttu olíufélög sem eru með starfsemi við flóann sjötíu prósent af starfsfólki sínu á brott úr flóanum af öryggisástæðum um helgina. Það er nú að snúa aftur og olíuvinnsla að fara þar í gang að nýju.