Birgir Leifur hefur leik klukkan 13 á morgun

Birgir Leifur Hafþórsson hefur á morgun keppni í Madeira í Portúgal á móti í Evrópumótaröðinni í golfi.

Hann mun hefja leik klukkan 13.00 á fyrsta teig á morgun en helmingur keppenda byrjar á 10. braut.

Birgir Leifur verður meðal þeirra síðustu sem hefja leik á morgun en fyrstu menn halda af stað rétt fyrir klukkan sex í fyrramálið og þeir síðustu klukkan 14.20.

Spánverjinn Santiago Luna og heimamaðurinn Sean Hawker verða með Birgi í ráshóp.

Bradley Dredge frá Wales sigraði á mótinu í fyrra og hann er meðal þátttakanda aftur í ár.

Vísir mun fylgjast vel með gangi mála á mótinu á morgun.