Eðalborgari frá Turninum

Hráefni

200 gr. Nautalund

1 stk. Eggjarauða

Salt og pipar

1 msk. Smjör

1 msk. Olivu olía

50 gr. Tómat og papriku salsa t.d. frá Sacla

20 gr. Parmisan



ciabatta brauð



50 gr. majónes

Ögn af wasabí



1 stk. Sætar kartöflur

4-5 dl. af jurtaolíu



2-3 lauf af rómain salat

½ tómatur í sneiðum

¼ paprika í sneiðum

3 hringir af rauðlauk

3 stk. Beikon sneiðar steiktar

Aðferð

Nautalundin er söxuð mjög smátt og sett í skál. Blandið salt, pipar, eggjarauðu og tómat/papriku salsa við kjötið og hnoðið vel saman með höndunum, mótið hamborgarann og setjið hann til hliðar. 

Kartöflurnar eru skornar í báta og soðnar í vatni með salti, kartöflurnar þurfa ekki að vera alveg eldaðar þannig þetta er c.a. 5-8 mínútu suða, takið kartöflurnar síðan upp úr vatninu og þerrið þær vel. Til þess að undirbúa sósuna tökum við majónesið og setjum í skál og smökkum til með örlitlu wasabí dufti. 

Ciabatta brauðið er skorið í tvennt og steikt á pönnu með smjöri og olivu olíu síðan er mjög mikilvægt að smyrja brauðið strax með sósunni svo hún fari vel inn í brauðið. 

Steikið síðan hamborgarann á sömu pönnu svo við höldum því góða bragði sem við erum komin með á pönnuna, steikið hamborgarann c.a.2 mín á hvorri hlið.

Á meðan hamborgarinn er á pönnunni steikjum við kartöflurnar í djúpsteikingar olíu þangað til að kartöflurnar okkar eru orðnar gylltar og girnilega stökkar, munið að salta þær vel eftir að þær koma upp úr olíunni með góðu salti. Þá er bara eftir að raða hamborgaranum saman með öllu meðlætinu og njóta vel.