Sigur hjá Íslendingaliðunum

Þrjú Íslendingalið unnu sigra í næstsíðustu umferð norsku B-deildarinnar sem fór fram í dag.

Odd Grenland, Sandefjord og Start voru öll búin að tryggja sér sæti í efstu deild á næstu leiktíð en tvö fyrstnefndu liðin unnu sigra í dag.

Árni Gautur Arason var í byrjunarliði Odd Grenland sem vann 3-2 sigur á Start og þá kom Kjartan Finnbogason inn á sem varamaður í liði Sandefjord sem vann 3-0 útisigur á Kongsvinger.

Baldur Sigurðsson kom einnig inn á sem varamaður í liði Bryne sem vann 2-1 sigur á Moss á útivelli. Bryne er í ellefta sæti deildarinnar.

Jóhannes Þór Harðarson er á mála hjá Start en hefur verið á láni hjá öðru norsku liði á tímabilinu.