Björgunaraðgerðir Þráinn Bertelsson skrifar 13. október 2008 06:00 Björgunarsveitir frá Alþjóðlegu aurasálinni, Evrópusambandinu, Rússlandi, Alþjóðabankanum, Sameinuðu þjóðunum eru nú á leið til Íslands til að bjarga íslensku þjóðinni upp úr þeirri ísköldu fjárhagslegu jökulsprungu sem hún hefur komið sér í undir fararstjórn 20 til 30 manna. Einnig stefna hingað bresku freigáturnar „Hefnd" og „Makleg málagjöld" úr sjóher hennar hátignar Bretadrottningar undir stjórn flotamálaráðherranna Gordons Brúns og Alastair Krútts, þeim er ætlað að tína saman óskemmdan farangur leiðangursmanna, gera hann upptækan og skila honum í hendur réttra eigenda í Bretlandi. Alþjóðlegir fjölmiðlar hafa sótt mjög hingað til lands að undanförnu til að fylgjast með yfirlýsingum íslenskra ráðamanna á gjárbarminum. Þeir standa á því fastar en fótunum að a) það sé engum að kenna nema alþjóðlegum segulmisvísunum að fólkið lenti í jökulsprungunni; b) að það séu ekki til betri menn til að stjórna hjálparstarfinu en einmitt þeir sem slysinu ollu með strákslegum glannaskap; c) sérstaklega að þeir treysti sér vel í hjálparstarfið einkum í samstarfi við þá aðila Seðlaferða sem tryggðu þetta ferðalag og báru ábyrgð á að öryggismál væru í lagi. Ekki er víst að framboð Íslands í öryggisráð Sameinaða Alpaklúbbsins bíði hnekki við þetta. Samt þykir mörgum blaðamönnum undarlegt hvernig fjallamennska er stunduð á Íslandi. Fólk fer í fjallaferðir á risajeppum en tekur ekki með sér öryggisútbúnað eins og kaðla, hlífðarföt og ísaxir. Ástandið á slysstað er nú þannig að ofan í sprungunni er nú öll íslenska þjóðin nema eigendur ferðaskrifstofanna sem skipulögðu ferðina, en þeir flugu í áríðandi erindagerðum til sólarlanda á einkaþotum. Algjör samstaða mun ríkja meðal íslenskra ferðamanna sem á gjárbarminum standa og halda blaðamannafundi að ekki komi til greina að leyfa alþjóðastofnunum eða Evrópusambandinu að draga þjóðina upp úr sprungunni. Þá yrðum við að undirgangast ferðareglur þessara aðila, segja ráðamenn. Enda hafa útlendingar ekki vit á íslenskum aðstæðum, svo að það er best fyrir okkur að ráða þessu sjálf. Viltu birta grein á Vísi? Sendu okkur póst. Senda grein Þráinn Bertelsson Mest lesið Á hvaða ári er Inga Sæland stödd? Snorri Másson Skoðun 76 dagar Erlingur Sigvaldason Skoðun Draugagangur í Alaska Hannes Pétursson Skoðun Húsnæðisbæturnar sem hurfu Ragnar Sigurður Kristjánsson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Sporin þín Valtýr Soffía Sigurðardóttir Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun
Björgunarsveitir frá Alþjóðlegu aurasálinni, Evrópusambandinu, Rússlandi, Alþjóðabankanum, Sameinuðu þjóðunum eru nú á leið til Íslands til að bjarga íslensku þjóðinni upp úr þeirri ísköldu fjárhagslegu jökulsprungu sem hún hefur komið sér í undir fararstjórn 20 til 30 manna. Einnig stefna hingað bresku freigáturnar „Hefnd" og „Makleg málagjöld" úr sjóher hennar hátignar Bretadrottningar undir stjórn flotamálaráðherranna Gordons Brúns og Alastair Krútts, þeim er ætlað að tína saman óskemmdan farangur leiðangursmanna, gera hann upptækan og skila honum í hendur réttra eigenda í Bretlandi. Alþjóðlegir fjölmiðlar hafa sótt mjög hingað til lands að undanförnu til að fylgjast með yfirlýsingum íslenskra ráðamanna á gjárbarminum. Þeir standa á því fastar en fótunum að a) það sé engum að kenna nema alþjóðlegum segulmisvísunum að fólkið lenti í jökulsprungunni; b) að það séu ekki til betri menn til að stjórna hjálparstarfinu en einmitt þeir sem slysinu ollu með strákslegum glannaskap; c) sérstaklega að þeir treysti sér vel í hjálparstarfið einkum í samstarfi við þá aðila Seðlaferða sem tryggðu þetta ferðalag og báru ábyrgð á að öryggismál væru í lagi. Ekki er víst að framboð Íslands í öryggisráð Sameinaða Alpaklúbbsins bíði hnekki við þetta. Samt þykir mörgum blaðamönnum undarlegt hvernig fjallamennska er stunduð á Íslandi. Fólk fer í fjallaferðir á risajeppum en tekur ekki með sér öryggisútbúnað eins og kaðla, hlífðarföt og ísaxir. Ástandið á slysstað er nú þannig að ofan í sprungunni er nú öll íslenska þjóðin nema eigendur ferðaskrifstofanna sem skipulögðu ferðina, en þeir flugu í áríðandi erindagerðum til sólarlanda á einkaþotum. Algjör samstaða mun ríkja meðal íslenskra ferðamanna sem á gjárbarminum standa og halda blaðamannafundi að ekki komi til greina að leyfa alþjóðastofnunum eða Evrópusambandinu að draga þjóðina upp úr sprungunni. Þá yrðum við að undirgangast ferðareglur þessara aðila, segja ráðamenn. Enda hafa útlendingar ekki vit á íslenskum aðstæðum, svo að það er best fyrir okkur að ráða þessu sjálf.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun