Sönderjyske staðfestir kaupin á Sölva

Eins og Fréttablaðið greindi frá í dag hefur Sölvi Geir Ottesen gert þriggja ára samning við danska úrvalsdeildarfélagið Sönderjyske.

Félagið hefur nú staðfest kaupin á heimasíðu sinni.

„Við metum það svo að Sölvi henti félaginu vel," sagði Jacob Gregersen, yfirmaður íþróttamála hjá Sönderjyske. „Þetta er duglegur leikmaður sem getur líka verið hættulegur fyrir framan mark andstæðinganna."

„Tími minn hjá Djurgården var ekki eins og og ég hafði vonast til. Ég hef mátt glíma við meiðsli og þurft að berjast mikið fyrir sæti mínu í liðinu. En mér hefur liðið mjög vel hjá félaginu en hlakka nú til að takast á við nýjar áskoranir," sagði Sölvi við heimasíðu Djurgården.

Sönderjyske vann sér sæti í dönsku úrvalsdeildinni nú í vor.