Ekkert vandamál með Ronaldinho

Frank Rijkaard, stjóri Barcelona, að það sé ekkert vandamál í kringum Brasilíumanninn Ronaldinho en hann var á bekknum í leik liðsins gegn Lyon í Meistaradeild Evrópu í gær.

„Við erum með stóran leikmannahóp og það á enginn fast sæti í byrjunarliðinu," sagði Rijkaard. „Allir leikmenn vita að þeir geta lent á bekknum og hann tók því vel. Í hálfleik spurði ég hann hvort hann treysti sér til að koma inn á og játti hann því."

Ronaldinho kom inn á fyrir Eið Smára á 71. mínútu leiksins í gær.

Rijkaard lenti saman við dómara leiksins sem varð til þess að honum var vísað af vellinum.

„Ég vildi vekja athygli dómarans á broti sem verðskuldaði rautt spjald. Ég vissi vel af afleiðingunum. En þegar enginn virðist sjá brot sem gæti ógnað heilsu leikmanna verður einhver að segja frá því."