Noregur upp í annað sætið

Norska landsliðið komst upp í annað sætið í C-riðli undankeppni Evrópumótsins með því að leggja Moldavíu 1-0 á útivelli í kvöld. Steffen Iversen skoraði eina mark leiksins.

Grikkland hefur átján stig, Noregur sextán og Tyrkland er í þriðja sæti með fjórtán. Noregur hefur leikið leik meira en Grikkland og Tyrkland. Moldavía er á botni riðilsins með aðeins tvö stig.

Undankeppni EM - C riðill

Ungverjaland - Bosnía 1-0

Malta - Tyrkland 2-2

Moldavía - Noregur 0-1