Lord of the Rings Online kominn út

Einn viðamesti tölvuleikur ársins kemur til Íslands um næstu mánaðamót. Lord of the Rings Online: Shadows of Angmar er kominn út. Leikurinn er netleikur þar sem hægt er að spila sem menn, álfar, dvergar eða hobbitar í Miðgarði Tolkiens.

Að gera tölvuleik úr Hringadróttinssögu er vandasamt verk, enda hefur það tekið nærri tíu ár. Þetta virðist þó hafa tekist vel því leiknum hefur verið vel tekið og dómar hafa allir verið vægast sagt jákvæðir.

Heimasíða leiksins er www.lotro.com og þar má bæði sjá gullfallegar skjámyndir og þefa uppi upplýsingar um leikinn og leikjakerfið.