Sjö breytingar á íslenska liðinu

Sigurður Ragnar Eyjólfsson hefur gert sjö breytingar á byrjunarliði kvennalandsliðsins sem leikur við Íra í Algarve Cup æfingamótinu í Portúgal á morgun. Þar ber hæst að Anna Björg Björnsdóttir verður í byrjunarliðinu í sínum fyrsta landsleik. Íslenska liðið spilar leikaðferðina 4-4-2 og hefst leikurinn klukkan 18 að íslenskum tíma á morgun.

Byrjunarlið Íslands:

Guðbjörg Gunnarsdóttir, Erna Sigurðardóttir, Guðný Óðinsdóttir, Katrín Jónsdóttir (fyrirliði), Guðrún Gunnarsdóttir, Erla Arnardóttir, Dóra Stefánsdóttir, Dóra Lárusdóttir, Rakel Logadóttir, Margrét Lára Viðarsdóttir og Anna Björnsdóttir.