Messi vill Ronaldo til Barcelona

Lionel Messi hjá Barcelona vill ólmur fá Cristiano Ronaldo til spænska liðsins frá Manchester United, en portúgalski leikmaðurinn hefur verið sterklega orðaður við sölu frá Man. Utd. eftir þetta tímabil. Messi segir Ronaldo vera ótrúlegan leikmann og að það yrði mikill heiður að spila í sama liði og hann.

Messi tjáði sig um Ronaldo í viðtali við spænska dagblaðið Marca í morgun, en ummælin eru nokkuð undarleg í ljósi þess að líklegt er að hann þurfi að víkja úr liðinu fyrir Ronaldo, fari svo að hann komi til liðsins.

"Hann er stórkostlegur leikmaður og það yrði frábært að fá að njóta hæfileika hans. Ég veit ekki hvort ég muni einhverntímann verða þess heiðurs aðnjótandi að spila í sama liði og Ronaldo, en ég myndi gjarnan vilja það," sagði Messi.