Valencia lagði Barcelona

Valencia vann í kvöld mikilvægan sigur á Barcelona í stórleik helgarinnar í spænska boltanum. Eiður Smári Guðjohnsen var í byrjunarliði Barcelona í kvöld en var skipt af velli eftir klukkutíma leik. Silva og Angulo skoruðu mörk Valencia með þriggja mínútna millibili í upphafi síðari hálfleiks, en Ronaldinho minnkaði muninn í uppbótartíma.

Albelda og Deco var vikið af leikvelli þegar allt fór í bál og brand milli leikmanna liðanna á 62. mínútu. Barcelona er enn á toppi deildarinnar með 46 stig, en Sevilla getur komist upp að hlið liðsins með sigri á Atletico Madrid í kvöld. Sá leikur verður sýndur beint á Sýn klukkan 20.

Valencia heldur fjórða sætinu í deildinni með sigrinum í kvöld og hefur hlotið 42 stig, en á Atletico getur komist upp að hlið liðsins með sigri á Sevilla í kvöld.